mércores, 29 de abril de 2020


Hoxe conmemorouse o Día da Danza. E que mellor maneira de facelo que bailando unha muiñeira!!
Uxía Lambona e a Banda Molona invítannos a bailar esta peza tradicional galega. Atréveste a bailar tamén na túa casa e compartir con nós a túa arte?.
Pois xa sabes, mándanos o teu video a biblio.donadisparate@gmail.com e subirémolo ao noso blog. Se non che sae a muiñeira e sabes outro baile, aproveita, que este é o teu momento.


martes, 28 de abril de 2020

Bruno cóntanos: A vaca que puxo un ovo

https://drive.google.com/file/d/15ZbntT1bp5X6CICZzywuU6yKOsFu7hfs/view?usp=sharing

Como que unha vaca puxo un ovo?. Isto é increíble!! Alguén viu tal cousa?
Se queredes ver que sucede escoitade a Bruno, que nos relata  este conto tan extraordinario.
Un relato máis de "Contos en familia"

mércores, 15 de abril de 2020

Día do Arte

Hoxe, 15 de abril celebramos o Día Mundial da Arte. Por que  este día?  Un 15 de abril de 1452 naceu Leonardo da Vinci, un dos maiores  artistas de todos os tempos, ademais dun gran científico.
E dende o noso blog queremos conmemoralo facendo referencia a un blog moi chulo que vos aporta moitas ideas para que comecedes a ser vós tamén pequen@s artistas. Animádesvos?.
 Non dubidedes en facernos chegar as vosas obras artísticas.
Aquí podedes acceder a el!. E a debuxar e pintar!

Ademáis dende o concello de Barreiros e coa colaboración do acuarelista Juan Ramón Alves  pon en marcha un curso a distancia de debuxo e pintura.
Nestes días de confinamento pode ser unha magnífica idea para aprender a debuxar e pintar, ademáis de divertirse



mércores, 8 de abril de 2020

Un deseño, paso a paso



O próximo venres as 16:00 h Leandro Lamas fará unha nova sesión de "Un deseño, paso a paso". Colle un folio, divideo en 4 apartados e debuxa como che di Leandro. Esperamos as vosas achegas!.
Pode ser un magnífico traballo para facer con papa e mamá. Anímate!


https://www.facebook.com/leandro.lamas.7?__tn__=%2CdC-R-R&eid=ARAIiBo45JE9fFm5eQ8ViBIYClny-b0H05NS48IngqWkEXHKfNX-8a16LVE4ZZ9H5X5JG9sfXFcf5vdL&hc_ref=ARQu5vY9NEogYpt4ZPB_ZjJVyvrknkIxcQRP6TB7i7G1kusRmPrSBDsTE1bIiwzuFAw&fref=nf



luns, 6 de abril de 2020

Con vós na casa. Editorial Baía

https://baiaedicions.gal/editorial/baia-edicions-con-vos-na-casa/

Esta achega da editorial Baía axúdanos a levar mellor estes días de encerro. Lecturas para varias idades que podedes ler e descargar.
Grazas!!😍😍

venres, 3 de abril de 2020

A guerra dos números









Primeiro conto que nos chega. Samuel Carregal Díaz cóntanos "A guerra dos números" de Juán Darén.
O número un vese moi cativo e sente envexa dos demais. Que pasará?
Samuel cóntanos como acaba esta aventura.

mércores, 1 de abril de 2020

Contos en familia

Mañá conmemórase un ano máis o Día do libro Infantil e Xuvenil. Esta celebración, que se ven facendo dende 1967 intenta a promoción da lectura entre os máis novos aproveitando a boa literatura infantil e xuvenil.
Por iso que nestes días de obrigada permanencia nas nosas casas dende o EDL do Ceip de San Miguel queremos animarvos a participar na nosa actividade "Contos en familia".
A actividade consiste en facer unha gravación en galego onde se vos vexa contando ou lendo un conto, Pode ser un conto de tradición oral ou un conto clásico, Podedes gravarvos vós e que se vos vexa ou simplemente enfocar o libro que estades lendo. Podedes participar un, dous ou toda a familia na gravación. Trátase de ler e compartir un momento nestes tempos duros que temos que vivir,
Enviade ás vosas gravacións á conta de correo electrónico contosenfamilia2020@gmail.com e nos publicarémolas no noso blog.
Animádevos!!

mércores, 25 de marzo de 2020


 Nestes días de quedarse na casa podemos aproveitar para botarlle un ollo Kalandraka Tv. A editorial que revolucionou o libro en galego, con edicións moi coidadas, tráenos moitas novidades. Contos música, libros...

http://www.kalandraka.tv/gl/index.php

venres, 20 de marzo de 2020

Portal Educativo

 Aquí podemos atopar un montón de actividades en galego. Xa veredes que hai moitas moi divertidas.
 A disfrutar!!

http://aulasgalegas.org/

luns, 16 de marzo de 2020

Ligazóns interesantes para Infantil, e Primaria tamén!!.

Aqui vos deixamos algunhas ligazóns interesantes para estes días nos que toca quedar na casa. Esperemos que vos gusten.
Estes son de OQO FILMES:








día de Rosalía

Este ano o Día de Rosalía vai contar con invitad@s moi especiais. Lucía e Nuria dende os Países Baixos;Ana dende Francia; e Bachir, Aixa e Lorgi dende Barreiros, van contarnos a súa experiencia como migrantes.Á  actividade leva o nome de "Errantes polo Mundo". E trátase basicamente de contar as experiencias vitais de cada un dos e das nosas convidadas. Elas están fóra de Galicia. Lorgi, Bachir e Aixa viñeron a Barreiros en diferentes circunstancias. Pero comparten algo en común, a vida levounos a outro país diferente.
O 21 de febreiro, día no que celebramos a aniversario do nacemento do nacemento de Rosalía, enviámoslles cartas para invitalos a que nos falaran un pouco da súa experiencia. Ademais agasallámolos cun poema de Rosalía que escollemos especialmente para eles. Ademais unha batería de preguntas que elaboramos e seleccionamos para facerlles. Agardamos con impaciencia as súas respostas.




O 30 de xaneiro celebramos o día da Paz coa actividade Camiñando cara a paz co bo trato.
 Cada clase elaborou o seu slogan referido as diferentes fórmulas de cortesía respecto aos saúdos, despedidas, peticións... 
Cada clase creou o seu slogan. Logo fixemos carteis e o Día da Paz puxemos en común todo o noso traballo e pegamos os carteis por todo o colexio.
Previamente realizáronse varios vídeos para que víramos a diferencia entre o ANTES e o DESPOIS. E si, mereceu a pena!




25 N concello de Barreiros



En xornadas previas á data todo o alumnado colaborou na creación de slogans referidos ao día. Con eses slogans fixemos un  emotivo vídeo que despois de feito vimos todos xuntos.
O 25 N,  todo o colexio nos acercamos ao concello de Barreiros Alí xunto ao alumnado do Ceip de San Cosme participamos da concentración que se fixo diante do edificio consistorial. Para a ocasión levamos camisetas negras e un autocolante co slogan: Por elas, por nós, violencias non!
Alí tamén lembramos os todos os slogans que creamos con anterioridade.

Lemos contos



Durante o mes de novembro o alumnado de quinto foi visitando as aulas de Infantil para contarlles contos de Medo. Pasárono en grande!! Os mais grandes e os máis pequenos. Carabuñas, A bruxa Regañadentes, Onde viven os monstros fixeron as delicias dos máis pequenos







O mes do medo

Novembro foi o Mes do Medo no colexio de San Miguel. E traballamos en varios frentes:

 -As familias, xunto ao noso alumnado enviounos unha ficha cuberta, contando os seus medos

- O alumnado de quinto contoulle contos de medo ao alumnado mais pequeno
- Todas as clases colaboramos na creación do noso monstro Papamedos.
-Durante todo o mes adornamos aulas e corredores con motivos terroríficos.


O colexio convertiuse nun edificio TERRORÍFICO







Monstro Papamedos

mércores, 19 de xuño de 2019

Concurso de microrrelatos "Regáloche un conto"

Xa temos ganador e ganadoras no I Concurso de Microrrelatos "Regáloche un conto".
Xiana e Vera de 5º de Infantil, Alejo de 1º e Noa de 4º de Primaria. Noraboa!!!
Maña venres, será a entrega de premios, coincidindo co final deste curso 2018/2019.
As audicións podedes escoitalas nas seguintes entradas.

Vera Otero:Que fai un rato e un pato na casa de Vera?


https://drive.google.com/open?id=1IKI72q3Eqmq1D4ROweDAcXi-HPH-k_xt

Alejo 1º Primaria: O libro Fresquiño


https://drive.google.com/open?id=1K11Pi2ZK1hCaZT9mcBe4McVOB7s4n2Vk

Xiana, Xoel, Ariana: O galo canta


https://drive.google.com/open?id=1u7-evyps5Uw_a_VyGIIksjrPeu6e2Mn_

Noa Perla e papa: A vaca Anduriña


https://drive.google.com/open?id=1EgvBhCd6JJ_L1Hvy477qhsupvBYd8C9Y

domingo, 2 de xuño de 2019

Correspondencia de Xove



Recibimos con moita alegría a carta dos nosos compañeiros e compañeiras de quinto de Primaria do cole de Xove. Nela ademais de explicarnos un pouco como é seu colexio, lembrábannos o día que por fin nos coñecíamos, durante a celebración do Correlingua, o pasado 7 de maio. Encántanos ter amigos!!

O RÍO:AUGA DE VIDA

O día 23 de maio os nenos e nenas do Ceip de San Miguel de Reinante fixemos un paseo polo río de San Miguel, o río chamado da Barranca ou Forcón.
Acompañados por Tino e Paco, membros de "Os Espigueiros", asociación que intenta recuperar a senda quediscurre pegada ao río, fixemos un tramo duns dous km.
 Neste pequeno roteiro poidemos ver a importancia que tiña a auga e o río para os nosos antepasados.
O río erao todo: 

  • Auga para beber, 
  • Para bañarse
  • Para lavar a roupa
  • Para moer o gran, de trigo e de millo, e poder facer así o pan, que era alimento básico da súa alimentación.
O noso percorrido iniciouse na Ponte de Entrerríos onde vimos o Muíño de Ramón do Chaparro, e despois achegámonos á fonte de Mingolero e ao Pozo da Cainzada, lugar de baño da rapazada aló polos anos 60 e 70.
Despois visitamos o Lavadoiro do Souto, o máis grande e mellor conservado. Alí era onde as mulleres se xuntaban paras lavar a roupa. Un traballo que naqueles tempos era exclusivamente feminino.
Seguimos río abaixo para atoparnos co muíño de Paciencia, restaurado como casa e o lavadoiro do Curro, do que se conservan a pía e as lastras para lavar. 
Baixamos despois camiño de Triana e chegamos a Pumarín, onde visitamos o muíño de Couso o e o pazo de Moreda, construcción de finais do século XVI.
E para rematar voltamos ao río ata o muíño do Merlo, construc

ión datada de mediados do século XVIII.

Foi un paseo moi ben aproveitado. Aprendemos moitas cousas e disfrutamos dun entorno natural marabilloso



domingo, 12 de maio de 2019

Correlingua 2019

Un ano mais, os nenos e nenas de 6º de Primaria participamos nunha nova edición do Correlingua, que este ano se celebrou en Ribadeo. O día anterior recibimos as nosas mochilas e chapas, xunto cun plano por onde discuría a andaina. 
As 10:15 saímos en autobús para Ribadeo. Chegamos ao faro de Illa Pancha e esperamos polos nosos compañeiros de 5º de Xove. Fixemos o camiño xuntos e despois participamos no fin de Festa. 
Despois de volta baixamos ata a praia de Arealonga. E despois de comer, xogamos un pouco na area e acercámonos ata a Praia das Catedrais, aproveitando a marea baixa. 
Foi un día moi ben aproveitado!!!





No faro de Illa Pancha estaban esperando os colexios de toda a Mariña para comezar a nosa andaina




 Cando chegaron os compañeiros e compañeiras de Xove comezamos a andar. Algúns de nós xa nos coñeciamos de outras actividades coma o fútbol


                                     
No Cantón disfrutamos da música na festa final



Como punto final fixemos despois de comer un pequeno paseo ata a Praia das Catedrais e fixemos unha foto conxunta





luns, 6 de maio de 2019

INTERCAMBIO

Durante este curso intercambiamos correspondencia co alumnado de 5º de Primaria do CEIP de Xove Pedro Caselles Román e co alumnado de 6º do colexio CEIP Veleiro Docampo de Castro de Ribeiras de Lea. Unha maneira moi boa de coñecer compañeir@s doutros colexios e doutros lugares e de practicar o galego.
Mañá estaremos en Ribadeo no Correlingua e coñeceremos aos nosos novos amigos de Xove. Promete ser moi emocionante. Pronto volveremos con novas moi interesantes.



Estas son as cartas que escribimos para o alumnado de Castro e de Xove. 


 Os nosos compañeiros e compañeiras de Castro enviaronnos unhas  cartas moi bonitas 


Estas son as cartas que enviamos a Xove. Alí cada alumno/a foi lendo a carta que nós lle enviamos

mércores, 24 de abril de 2019

DÍA DO LIBRO

Hoxe día 23 de abril celebramos o Día do Libro.
E tivemos dúas actividades moi interesantes:
Primeiro o alumnado voluntario  da biblioteca leunos un conto mediante o formato Kamishibai. Neste formato, orixinario do Xapón, a persoa que narra vai lendo o texto e ao mesmo tempo vai ensinando unha serie de láminas con debuxos relativos ao conto.

Despois do recreo fixemos o II Apadriñamento Lector. O alumnado de 4º, 5º e 6º leu contos escollidos ao alumnado mais pequeno. Para iso cada parella ou trio buscou un lugar agradable no patio para ler o conto. Despois xa na clase entre os lectores fixeron un pequeno debuxo sobre o libro lido.
Foron dúas actividades moi bonitas e interesantes para este día tan especial.



Eloi, Uxía e Ana, lendo aos compañeiros e compañeiras de 5º e 6º.






Os nenos e nenas de 6º e 2º facendo os seus debuxos despois da lectura no patio

A RUTA DA SEIMEIRA

O venres 12 de abril viaxamos a Santalla de Oscos para facer unha ruta. Esta actividade estaba enmarcada dentro do Programa Voz-Natura, que este curso se adicabas ao noso monte.
Nun fermoso día percorremos os 8 kilómetros bordeando o río Agüeira ata chegar á fervenza da Seimeira. Fermosas paisaxes e moito por aprender!.






Durante a ruta descubrimos algúns dos pequenos habitantes deste entorno tan especial



A ESCOLA DE FAI 50 ANOS

O 25 de marzo os alumnos de 5º e 6º de Primaria compartiron escenario co grupo de teatro Ollomao de Barreiros.
A ocasión ben o merecía, rememorábamos a escola de fai 50 anos, cando o agora Ceip San Miguel de Reinante comezaba a funcionar,  aló polo ano 1968. 
Deste xeito, o profesorado e os pais e nais do noso centro deleitabámonos coas andanzas dun grupo de mestres e mestras e o seu alumnado. "Os Graduados" e "A Enciclopedia Álvarez", foron as  obras escollidas. E de seguro que o pasamos moi ben