Rumbo ás recomendacións lectoras

Relatos de Samaín

 Chegan os primeiros relatos terroríficos da man do alumnado de 5º de Primaria. Zombis, vampiros, pesadelos, cemiterios... uuuuuhhhhhh, que medo!!!

https://issuu.com/biblio.donadisparate/docs/historia_de_medo

Recén saído do forno o video coas nosas cabazas de Samaín. Grazas familias! Un gran traballo!!

SAMAÍN 2021 de María Belén Fernández

 Durante esta semana o alumnado do noso colexio dende 3º a 6º vainos agasallar cos seus microrrelatos terroríficos. Iremos subíndoos os textos ao blog segundo vaian chegando. Será unha semana chea de emoción e cos nervos acelerados. Seredes quen de non gritar co medo?

Un samaín mariñeiro

 O Samaín xa está aquí!!. E durante estes días recibiremos as vosas cabazas decoradas. Este ano terán un sabor inconfundible a mar. Veña apurádevos que xa temos aquí as primeiras cabazas mariñeiras. 

Lembrade, tedes ata o próximo xoves para achegarnos a vosa foto coa vosa cabaza decorada

O venres subiremos un video con todas as fotos que nos aportedes.

Un novo curso

Comezamos un novo curso. E para a ocasión recuperamos esta canción de A gramola Gominola, que actuou este verán  no patio do noso colexio dentro da programación de verán do concello de Barreiros. Fixeron as delicias de adultos e pequen@s. E rescatamos esta canción tan animada.

Ademais os e as  compoñentes da banda regaláronnos un cd e un dvd firmado. A que mola?. Este ano imos rockear!!!

 

Públicas da Escola 2021

 

 E como remate aquí tedes a versión online da revista do cole Públicas Da Escola.

Un traballo cooperativo entre todo o alumnado e profesorado da Escola. Esperemos que vos guste!!

Bo verán. Vémonos en setembro!!!

 

 

https://issuu.com/biblio.donadisparate/docs/revista_2021_version_online 

Colaboracións cos colexios de Veleiro Docampo e Santa María do Valadouro

 Durante este curso 2020/2021 que remata tivemos un traballo colectivo entre o alumnado do nso colexio co alumnado do colexio Veleiro Docampo co que xa levamos trabanllado dende fai dous cursos.

Este ano retomamo o traballo que non puidemos rematar no pasado curso. A actividade consistía na creación de contos colectivos co alumnado dos dous coles de 4º e de 6º de Primaria.

Como resultado final fixemos tres contos colectivos que xa forman parte das bibliotecas dos dous colexios.

Foi un gusto traballar xunt@s.

Ademais este ano o alumnado de 1º e 2º de Primaria elaborou un díptico sobre o concello de Barreiros no que recopilaron información sobre o noso entorno, tanto do concello domo dos arredores. 

Ademáis de facer entrega ao concello deste dípticos tamén os enviamos ao colexio de santa María do Valadouro para facerlle entrega a todo o alumnado de infantil.Ademais enviouse un pequeno video sobre o concello. 

Dende o colexio de Valadouro enviaronnos un dossier sobre o seu concello.

Agora xa coñecemos moitas máis cousas. foi unha actividade moi interesante e divertida de facer

 

A xanela do maxín

 O pasado 8 de xuño o alumnado de 4º, 5º e 6º tiveron a sorte de poder ver online a obra de teatro "  A viaxe de Saira" de A xanela do maxín.

Unha viaxe virtual dende Francia ata Compostela polo Camiño de Santiago.

Para nós foi unha delicia e unha xanela pola que ver de novo teatro, esperando mellores tempos para poder representar nós mesm@s algunha obriña. Que xa o desexamos tamén.

Que non pare a música

 Neste remate de curso non puidemos deixar de lado a música. Que mellor maneira de finalizar que con dous concertos absolutamente máxicos e que fixeron as delicias de todo o alumnado e profesorado do centro.

O 2 de xuño tivemos aos músicos da Tradescola que nos mostraron os instrumentos máis representativos da nosa música tradicional e nos ofreceron un concerto didáctico marabillosos.

E o día 10 de xuño a música de Paco Nogueiras fíxose escoitar no noso patio. Nun día prefecto para estar fóra escoitamos con agrado a súa música e bailamos ao ritmo das súas cancións

Gymnkana das Letras

 As letras Galegas foron un pouco especiais.

Este ano non houbo festival pero si tivemos algo moi divertido tamén. fixemos unha Gymncana de Xela Arias.

En que consistiu?. Todo o alumnado de Primaria tivo que superar unha serie de probas que xiraban arredor da vida de Xela Arias: Sopas de letras, encrucillados, batería de preguntas...puzzles, Debuxar portadas alternativas dos libros publicados por ela...

Cada curso tiña un tempo para facer as probas. E cada unha delas estaba escondida nalgún lugar do patio. Os compoñentes do grupo recollían as probas unha a unha e dirixianse ao porche do edificio novo para facelas. Unha vez completada cada unha comezaban a seguinte.

Pasámolo moi ben!!

Cada día a familia. Obradoiro de poesía

O 10 de maio tivemos un obradoiro de poesía "Cada día a familia", sobre a figura de Xela Arias impartido por Andrea Barreiro e ofertado polo concello de Barreiros. Nel participaron os cursos de 3º, 4º,5º e 6º. Foi unha actividade moi enriquecedora e sairon poemas moi bonitos.

Aqui as imaxes que o demostran.

 

 

Oito de Marzo. Día da Muller

 O pasado 8 de marzo celebramos un ano máis o Día da Muller. este ano como non están permitidas as aglomeracións o noso traballo foi máis intimo e reflexivo. fixemos un dossier sobre o pasado, presente e futuro e distintos ámbitos da vida: O fogar, o traballo, o ámbito social e deportivo, a vestimenta...

Foi un traballo moi enriquecedor porque permitiunos ver como as cousas mudan. Nesta loita pola igualdade de homes e mulleres temos conseguido moito. Pero aínda queda moito que mellorar.

Este foi o resultado. Un dossier que xa destaca polo seu continente, ademáis do contido. Moi bo traballo!!!

A vestimenta foi o ámbito escollido por Infantil.

As miradas de Isaac

 Tamén no mes de febreiro 5º e 6º de Primaria tivemos a sorte de poder ver a exposición "As miradas de Isaac". a nós gustarianos máis ir a Santiago e achegarnos ao Gaiás para poder contemplala pero como nestes tempos non podemos saír puidemos facelo a través dunha videoconferencia.

 Aprendemos moitas cousas desta figura crucial para unha fábrica tan perto de nós com é Sargadelos. ë foi fonte de inspiración para os nosos deseños de pratos. O resultado foi espectacular!!

A videoconferencia foi moi amena e interesante. E aprendemos moito sobre a figura de Isaac e doutras figuras importantes coma Luís Seoane

Como podedes ver, os nosos deseños non desmerecen nada aos orixinais. Artistas!!!

Día de Rosalía

Este é o resultado do traballo colectivo do alumnado de 4º, 5º e 6º de Primaria polo Dia de Rosalía.Un mural xigante da autora de Cantares Galegos. Pareceunos un bo regalo polo aniversario do seu nacemento

 

 DÍA DE ROSALÍA

No Día de Rosalía o noso alumnado colaborou xunto ao alumnado do Ceip de San Cosme na elaboración dun video sobre a nosa extraordinaria escritora. Dirixidos por persoal municipal o noso alumnado lembrou quen era e que facía Rosalía de Castro. O resultado está á vista. Pero aquí non acaba a nosa lembranza a Rosalía. Ademáis dun mural Pop Art recitamos colectivamente os primeiros versos do seu Cantares Galegos. Nos próximos días veredes o resultado. E mais cousiñas!!!

https://www.facebook.com/watch/?v=527835708519457

 O xoves día 11 de febreiro foi o alumnado de 5º. Hoxe tocoulle ao alumnado de 6º. Videoconferencia para coñecer un pouco mais a obra e a vida de Isaac Díaz Pardo. A pesar das dificultades iniciais puidemos aproveitar esta oportunidade que nos brindaron dende o Gaiás para coñecer "As miradas de Isaac".

Entroido 2021

Comeza o Entroido. Diferente a outro anos pero non menos divertido. Seremos capaces de seguir todos os mandatos do Meco?

 

 

Aqui tedes o noso conto: O nacemento do Dragón.

Se vos gustou podedes tamén ler o conto. Unha fermosa historia coa preciosas ilustracións de WANG/SELLIER, MARIE/LOUIS, CATHERINE FEI da editorial Kalandraka

 O pasado 29 de xaneiro celebramos o Día da Paz no CEIP San Miguel de Reinante. Coma todas as celebracións deste ano foi distinta, pero non menos interesante.

Non podemos xuntarnos e entón decidimos que un mural conxunto era unha boa idea. E que mellor maneira de celebralo que facer o noso Camiño da Paz.

Ademais os curso de 5º e 6º decidiron agasallarnos con dous contos moi relacionadas co tema da Paz e da Unión.

"O nacemento do Dragón" e "A galiña azul" fixeron as delicias de todas as aulas. Parabéns aos artistas e confiamos que todos os Días deste curso sexan Días de Paz.

Aqui vos deixamos o resultado do noso traballo conxunto.