PÚBLICAS DA ESCOLA

👇👇

MOI IMPORTANTE!! Non pensedes que nos imos quedar sen  o xornal escolar Pública da Escola!. Nunca tal pasou e este ano tampouco. Por iso que vos invitamos a tod@s a que colaboredes coas vosas aportacións.

Que podedes enviarnos?

Contos, debuxos, adiviñas, chistes, xeroglíficos,.. 

Como este foi un curso moi raro e dende marzo non puidemos voltar á escola pregamos que nos contedes a vosa vida durante o confinamento, o que botabades de menos, o que vos gustou, se é que vos gustou algo...

Durante a próxima semana recibiremos con gusto as vosas aportacións.

Podedes mandalas ao correo de Dona Disparate 

( biblio.donadisparte@gmail.com ).

Despois maquetaremos a revista e colgarémola no noso blog de Espallando Galego. Estede despois atent@s para poder vela. 

Contamos con vós!!

Maio longo

Este poema de Rosalía de Castro sérvenos para despedir este maio atípico, sen excursións, sen Letras Galegas, sen xuntanzas, sen xogos... 

Pero sempre nos queda a música!!

Para tod@s vós

As letras na rede

Deixamos aquí  as actuación para o público infantil no ciclo cultural en liña As Letras na rede, organizado pola Área de Cultura da Vicepresidencia da Deputación de Lugo para celebrar o Día das Letras Galegas, neste 17 de maio tan atípico.

Seguro que vos gusta!!

https://youtu.be/YebWr0Vf4k0

Superdesafío fin de mes

E nesta última semana do mes de maio temos o noso SUPERDESAFÍO. Así que preparad@s, buscade colaboración porque isto vai ser máis difícil. Aquí están dúas árbores, dúas plantas e dúas aves para adiviñar.

Aquí están, agora é o voso momento. Podedes poñer a solución no apartado de comentarios ou enviar un correo a biblio.donadisparate@gmail.com, indicando primeiro quen sodes e despois cal vos parece que é a solución. 

Esperamos as vosas respostas!!!

Aí vén o maio. Solución ao terceiro reto

Si, amig@s, volvestes a dar no cravo!.

O canto era o do gorrión, a planta era o fiúncho ou fiollo, e a árbore era a figueira.

GORRIÓN

O gorrión, ou tamén chamado pardal ou pardao, é unha ave que leva acompañando ao ser humano dende fai 11.000, xa que está moi asociado á agricultura pola súa alimentación.

Comen sementes, insectos, herbas, verduras...

Adáptanse a calquer ambiente, sexa rural ou urbano.

FIÚNCHO

Trátase dunha planta moi abundante e de olor anisado. Medra en valados e perto dos regatos e ten usos culinarios e medicinais. É unha das plantas do San Xoán, das que falaremos noutros momentos.

FIGUEIRA

É un arbusto moi abundante tamén,  e cun froito, os figos, que acompañaron moitas tardes da nenez de moita xente. 

Foi unha das primeiras plantas en ser cultivadas polo ser humano dende a antigüidade.

Parabéns a Unai e Antía de 5º, a Gael de 4º e a Hiba e Alejo de 2º por acertar de novo. Creo que vos merecedes a medalla de Superdetectives dda Natureza!!

E atentos que esta semana temos un superdesafío!!.

Atent@s!!!

Día das abellas

Os amigos de ADEGA 

Envía o teu debuxo sobre a importancia das abellas

O pasado 20 de maio foi o Día Mundial das Abellas e AGA (Asociación Galega de Apicultura) sumouse como todos os anos a esta celebración, cunha proposta dirixida principalmente a público infantil destinada a dar a coñecer na sociedade esta importante cita anual que se celebra no mundo enteiro e sensibilizar sobre a importancia das abellas que, a través da polinización, garantizan o mantemento da biodiversidade e a produción de alimentos. Envía a info@apiculturagalega.es o teu debuxo sobre a importancia das abellas, que será publicado no facebook de AGA. Abaixo, un gráfico no que se explica como funciona a reprodución das plantas con flor ás que as abellas axudan a polinizarse.

Aí vén o maio. 3º Reto

Isto anímase!!. Temos moita xente menuda por aquí tratando de adiviñar os reptos de cada semana.

Hoxe temos un paxariño por adiviñar, unha planta e un arbusto. Nestes días fermosos de primavera, neste maio longo, como dicía Rosalía de Castro, seguro que podedes atopalos por cada lugar que pasedes, sobre todo se vivides no rural.

E aquí van as pistas.

O paxariño  que hai que adiviñar é o gran compañeiro da xente de aldea.É tan común que hoxe poremos o seu canto, para poñerlle un pouco de emoción á vosa pesquisa. Nesta ligazón escoitaredes o seu canto. ao final de semana daremos outra pista.

.https://drive.google.com/open?id=13UXlbLapI-RoM5GduFd3vcfduiXXvXzS

Esta planta que vos traemos hoxe neste mes de maio está tremendamente grande, aínda que a podemos ver todo o ano. Hai quen a usa para cocer as castañas en tempo de outono.

E por último esta árbore que aló polo San Xoan, ou polo San Miguel, nos dá uns froitos ben saborosos e doces.
O reto comeza.... XAAA!!

Os Bolechas e Ricardo Carvalho Calero

Os Bolechas tamén nos  achegan neste pequeno libro datos interesantes acerca da vida e obra de Ricardo Carvalho Calero. Queredes saber máis da súa vida?. Premede na ligazón!!

https://issuu.com/biblio.donadisparate/docs/bolechas-libro-carvalho-calero

Aí vén o maio!.Solución ao 2º reto

Pois si! Estabades no certo. AS aves das que falabamos eran o cuco, a anduriña e a cegoña. O primeiro en acertar foi Gael de 4º curso. Noraboa rapaz!!. 

Pero non foi o único en adiviñar. Susana, Manuel Alejo E Alejandra de 2º curso tamén o fixeron . E Hiba e Selene case case...

Moi ben!!

 E aos demáis tamén grazas pola vosa participación.

Deixàmosvos unhas curiosidades destas aves tan fermosas.

O cuco. 

De canto singular é unha ave  migratoria de longo percorrido.

Pasa o inverno en Africa e entre marzo e abril podemos escoitalo xa en Galicia.Ten como característica particular que non fai niño, senón que os seus ovos ponos no niño doutro paxaro( lavandeiras,rabirrubios, papuxas...). Adoita poñer un ovo en cada niño. 

Moi habitual na nosa xeografía, a figura  do cuco está na nosa música e na nosa cultura. Esta é unha canción de Suso Vaamonde con letra de Manuel María

Anduriña

A comezos da primavera chegan as anduriñas. E quedan con nós ata o outono, cando voltan a Africa.

Percorren ata máis de 5000 km. a súa alimentación é a base de insectos voadores polo que son grandes amigas da xente labrega.Fan os seus niños de  barro, e deben facer ata cerca de mil viaxes para construir o seu fogar.

Cegoña

A cegoña, ave migratoria coma as outras dúas, é moito mais grande. Constrúe enormes e pesados niños con ramas de árbores e paus. Aliméntase de rás, lagartos e roedores.

Tradicionalmente relacionouse a esta ave coa chegada dun bebé aos fogares.

 E preparad@s!! Que continuamos!

Aí ven o maio, 2º reto.

Esta semana a cousa é un pouco máis difícil. Hai un paxariño que se nos resiste.

Imos dar algunha pista máis destes tres paxaros para que acertedes.

O primeiro paxaro ten un habilidade especial. Non fai o niño. Deixa os seus ovos  nos niños doutros paxaros para que lle coiden os poliños. E ten un canto moi característico, de tal xeito que hai uns reloxos que se chaman coma el.

Con respecto ao segundo paxariño, cando chegan á nosa zona indica que se acaban os meses de mal tempo e se acerca a primavera e o verán.

E do último dos paxaros, sempre se dixo que traia algo de París...

Xa sabedes. Comentade nesta entrada ou mandade mensaxe ao correo de dona Disparate:biblio.donadisparate@gmail.com. indicando o voso nome e apelidos e o curso ao que pertencedes. E a resposta, claro! O luns daremos a solución e o nome dos acertantes

Letras Galegas 2020; Ricardo Carvalho Calero

Un xogo divertido para ver o que sabedes de Ricardo Carvalho Calero. Seguide as instruccións e aproveitade as vosas dotes detectivescas!!

https://view.genial.ly/5eb042186f16bf0d194d52c8/presentation-letras20

O misterio da casa de Carvalho Calero

Se seguides está ligazón levaravos a un divertido xogo de fuga sobre  Ricardo Carvalho Calero, autor homenaxeado este ano polas Letras Galegas. Quen se atreve a xogar?

https://view.genial.ly/5ea84324637c610dbf867ff2/game-breakout-letras-galegas-2020?fbclid=IwAR3Dt84FalOZv-jz_lrAic2K_QOFIZ9d8vDt8J5EcK1eEbNG42aDEfhqrZE

RICARDO CARVALHO CALERO

Aqui vos deixamos unha pequena presentación sobre a figura e a obra de Ricardo Carvalho Calero, protagonista este ano do Día das Letras Galegas

https://drive.google.com/file/d/1luRcNvuUtFq2RaOJnnDbaBE859v3noz3/view?usp=sharing

As pitas baixo a choiva

A Coordenadora de Equipas de Normalización Lingüística de Ferrolterra (A Coruña) vén de compartir con todo o profesorado e as familias este fermoso traballo sobre a figura e o legado do autor homenaxeado este ano nas Letras Galegas, Ricardo Carvalho Calero Parabéns !!

I Certame Infantil de Artes Plásticas Feiraco

Deixamos aquí unha ligazón ao I Certame Infantil de Artes Plásticas Feiraco.

Para nenos e nenas de Infantil e Primaria. O tema é o valor da Lingua e a Literatura Galega. Tendes ata o 31 de maio para crear as vosas obras. Veña artistas, a participar!!

https://www.lingua.gal/a-secretaria-xeral/convocatorias/_/Premios/convocatoria_0112/certame-infantil-artes-plasticas-feiraco-2020

Aí ven o maio. Novo repto

O pasado sábado, 9 de maio, celebrouse o Día Mundial das Aves Migratorias. Para celebralo esta semana o noso repto vai adicado a estas aves.

Aquí vos deixamos 3 fotografía de tres aves que podemos ver por aquí e que son migratorias. Que quere dicir?. Que non viven permanentemente na nosa zona senón que veñen en determinadas estacións do ano. Poden percorrer miles de km para chegar ata aquí.

Preguntádelle a papá, a mamá ou aos avós se non o sabedes. E  mandade as vosas respostas ao blog ou ao correo biblio.donadisparate@gmail.com O próximo luns de novo daremos a solución e coñeceremos algunha curiosidade máis destas aves tan bonitas. Non deixedes de mandar as vosas achegas!!.

Aí vén o maio. Solucións e novo repto

Pois si!

 O repto da semana pasada era ben fácil! Pero fixéstelo moi ben!

Si. Trátábase das margaridas dos prados(Bellis perennis), esas floriñas que cando chega a primavera enches os nosos prados de branco.

A árbore era o amieiro (Alnus glutinosa) como lle chamamos aquí, aínda que tamén é coñecido por ameneiro ou abeneiro

É a árbore por excelencia das ribeiras galegas formando os 

chamados bosques galería.

Podemos velos en calquera dos regatos e río do noso concello.

E a ave,claro, era o merlo (Turdus merula), ese paxariño que nos alegra tantas veces co seu doce cantar.

Grazas a tod@s por participar e mención especial a Selene de 3º de Primaria e a súa familia que foi a primeira en contestar.

E atent@s que un novo repto está a punto de comezar.

Deixámosvos unha canción moi bonita que ten como protagonista a unha merliña.

Eu Fico Na Casa Con ADEGA

ADEGA (Asociación para a Defensa Ecolóxica de Galiza)  ten unha manchea de recursos,consellos e ideas para pasar esta corentena, relacionados co ecoloxismo e a defensa do medio ambiente.

Nós rescatamos dous que nos parecen moi interesantes.

No  primeiro enlace temos un recurso para facer na casa a nosa propia cola para pegar papel

No segundo enlace temos un reportaxe sobre as mascotas invasoras. animáis que traemos como mascotas pero que se escapan ou abandoamos e se convirten nunha especie máis da nosa contorna, con todos os problemas que iso comporta. 

Se vos gustan, en adega.gal atoparedes moitos máis!! 

https://issuu.com/biblio.donadisparate/docs/eco-ideas_engrudo__2_

https://issuu.com/biblio.donadisparate/docs/eco-ideas_mascotas_invasoras

Muiñeira

A nosa alumna Xiana de 6º de Infantil e o seu papá, Xoel, enviaron o seu video polo Día da Danza.

A que son uns verdadeiros "profesionais". Se pinchades neste enlace podedes ver como bailan.

https://drive.google.com/file/d/1a7JgeEtLz-u2HvkqXl3w5avucpXRJskl/view?usp=sharing

E comezamos este mes con ánimo de aprender cousas novas relacionadas co noso entorno. Tiñamos pensado aproveitar o mes para facer unha saída ao entorno e coñecer algo máis sobre a fauna e flora do noso concello. Como o confinamento nos impediu facer esta actividade iniciamos hoxe unha serie de entradas relacionadas coa contorna natural

E iniciamos esta actividade mostrándovos  unha árbore, unhas flores e un paxariño.

Unha árbore de ribeira, que se da moi ben cerca dos ríos e regatos, unha floriña que é das primeiras que vemos cando se anuncia a primavera, e un paxaro que oimos cantar todas as mañas?

Sabedes de que árbore, flor e paxaro estamos falando? Podedes comentar aquí mesmo ou enviar as vosas respostas ao correo electrónico biblio.donadisparate@gmail.com.

AÍ VÉN O MAIO

O MAIO

Aí vén o maio

de frores cuberto ...

Puxéronse á porta

cantándome os nenos;

i os puchos furados

pra min estendendo,

pedíronme crocas

dos meus castiñeiros.

Pasai, rapaciños,

calados e quedos;

que o que é polo de hoxe

que darvos non teño.

Eu sonvos o probe

do pobo gallego:

pra min non hai maio,

pra min sempre é inverno! ...

Cando eu me atopare

de donos liberto

i o pan non me quiten

trabucos e préstemos,

e como os do abade

frorezan meus eidos,

chegado habrá estonces

o maio que eu quero ...

Queredes castañas

dos meus castiñeiros? ...

Cantádeme un maio

sin bruxas nin demos;

un maio sin segas,

usuras nin preitos,

sin quintas, nin portas,

nin foros, nin cregos.

Manuel Curros Enríquez, Aires da miña terra