mércores, 24 de abril de 2019

DÍA DO LIBRO

Hoxe día 23 de abril celebramos o Día do Libro.
E tivemos dúas actividades moi interesantes:
Primeiro o alumnado voluntario  da biblioteca leunos un conto mediante o formato Kamishibai. Neste formato, orixinario do Xapón, a persoa que narra vai lendo o texto e ao mesmo tempo vai ensinando unha serie de láminas con debuxos relativos ao conto.

Despois do recreo fixemos o II Apadriñamento Lector. O alumnado de 4º, 5º e 6º leu contos escollidos ao alumnado mais pequeno. Para iso cada parella ou trio buscou un lugar agradable no patio para ler o conto. Despois xa na clase entre os lectores fixeron un pequeno debuxo sobre o libro lido.
Foron dúas actividades moi bonitas e interesantes para este día tan especial.



Eloi, Uxía e Ana, lendo aos compañeiros e compañeiras de 5º e 6º.






Os nenos e nenas de 6º e 2º facendo os seus debuxos despois da lectura no patio

A RUTA DA SEIMEIRA

O venres 12 de abril viaxamos a Santalla de Oscos para facer unha ruta. Esta actividade estaba enmarcada dentro do Programa Voz-Natura, que este curso se adicabas ao noso monte.
Nun fermoso día percorremos os 8 kilómetros bordeando o río Agüeira ata chegar á fervenza da Seimeira. Fermosas paisaxes e moito por aprender!.






Durante a ruta descubrimos algúns dos pequenos habitantes deste entorno tan especial



A ESCOLA DE FAI 50 ANOS

O 25 de marzo os alumnos de 5º e 6º de Primaria compartiron escenario co grupo de teatro Ollomao de Barreiros.
A ocasión ben o merecía, rememorábamos a escola de fai 50 anos, cando o agora Ceip San Miguel de Reinante comezaba a funcionar,  aló polo ano 1968. 
Deste xeito, o profesorado e os pais e nais do noso centro deleitabámonos coas andanzas dun grupo de mestres e mestras e o seu alumnado. "Os Graduados" e "A Enciclopedia Álvarez", foron as  obras escollidas. E de seguro que o pasamos moi ben

                                   








venres, 29 de marzo de 2019

O ENTROIDO

O mércores 27 de febreiro celebramos o Entroido. Un entroido moi especial xa que convertimos o pavillón nun enorme guateque. Démoslle para atrás
ao tempo e voltamos ao 1968, ano no que se iniciaron as clases no CEIP de San Miguel de Reinante.
O disfraz para a ocasión foi como non, o de hippie. Ademáis de investigar un pouco sobre este movemento tamén escoitamos música deses anos. E fixemos un concurso de adivinar cancións. Foi todo moi divertido e emocionante!!!









luns, 11 de marzo de 2019

Durante os días previos, cada clase confeccionou a súa pancarta, escollendo versos sacados de diferentes poemas. O día 22 todo o alumnado, acompañado do profesorado acercouse á praza do Souto para corear xuntos os versos escollido para a  ocasión. Cada pancarta relacionaba un Dereito con versos da nosa poetisa. A quí tedes o traballo final. Quedou tan bonito que decidimos decorar as paredes dos dous edificios do noso colexio coas pancartas. Parabéns polo traballo ben feito






Moitas novas no noso blog. Estes dias foron moi animados. O pasado 22 de febreiro celebramos o día de Rosalía. Para esta ocasión e como introducción ao día escoitamos e cantamos  a canción de Rosalía pequeniña. Despois  fixemos un debuxo sobre o que nos inspiraba a canción. E no recreo pegamos os noso debuxos. A cambio tivemos o noso pin de Rosalía.💓💓💓💓








luns, 18 de febreiro de 2019

DIA DE ROSALÍA 2019



Estamos preparando xa unha nova homenaxe á nosa escritora máis universal, Rosalía de Castro, no aniversario do seu nacemento. Vai ser todas unha sorpresa, pero para ir quentando motores, deixámosvos a canción Rosalía Pequeniña. Coa voz de Uxía Senlle e a música de Maxín Blanco. O albúm, titulado coma esta canción, foi publicado no 2013 na Editorial Galaxia.
A que é preciosa?








martes, 5 de febreiro de 2019

Día da Paz

O pasado 30 de xaneiro  celebramos o  Día da Paz no CEIP de San Miguel.
 A paz, ben o sabemos, é necesario coidala e protexela. Para que se manteña forte debe estar libre de virus. Por iso o alumnado de todo o colexio, convertido en científicos e científicas recoñecid@s decidiron eliminar calquera virus que poidera afectar á paz do colexio. Cada clase investigou os virus que podía haber e buscou a súa vacina. Foi un día intenso e de traballo pero ao final conseguímolo!!!.

PARABÉNS RAPACES E RAPAZAS!!


martes, 26 de xuño de 2018

INTERCAMBIO CULTURAL EDUCATIVO CO CEIP PLURILINGÜE A GÁNDARA DE MONFORTE DE LEMOS

En total realizaron este intercambio cultural educativo 70 alumnos/as: 22 alumnos/as de 3º e 4º Curso de EP do CEIP San Miguel de Reinante Barreiros e 48 alumnos/as de 3º e 4º Curso de EP do CEIP Plurilingüe A Gándara de Monforte de Lemos.
 
O intercambio comezou cunha carta de presentación colectiva e unhas descricións realizadas polo alumnado que xunto cunha foto grupal de cada clase que participaba na actividade de intercambio (3º e 4º de EP dos dous colexios) nos enviamos mutuamente vía postal en primeiro termo no mes de marzo e vía electrónica posteriormente para unha mellor visualización do alumnado. 

A comunicación electrónica incluiu  pois unha videoconferencia realizada o venres 25 de maio e o envío de fotos e autodescricións escritas realizadas polo alumnado para a identificación antes da xornadas de convivencia e a consulta periódica das actividades realizadas publicadas no noso blogue.

Ademais, neste intercambio realizamos dúas xornadas de convivencia (unha en Barreiros e outra en Monforte de Lemos) nas que o alumnado dos dous colexios se coñeceu persoalmente e compartiu actividades e visitas “in situ”.


-Excursión ao Museo do Mar en San Cibrao (Cervo). 

Na primeira xornada de convivencia que se celebrou o xoves 31 de maio en Barreiros visitáronnos os alumnos/as de 3º e 4º curso de EP do CEIP Plurilingüe A Gándara. 
 En primeiro lugar visitaron as estancias do noso colexio e logo partimos cara o Concello de Barreiros onde tivo lugar unha recepción por parte do alcalde no Salón de Plenos. Alí, Alfonso Fuente, o alcalde de Barreiros deu unha pequena charla sobre  o Concello (parroquias, actividades laborais, turismo ou mesmo do funcionamento do Concello). Despois, o propio alcalde, repartiu a cada alumnno/a de Monforte unha bolsa que incluía diversos souvenirs de recordo da súa visita, tales como un calendario do Concello, un guía turística do Concello e outra da Mariña Lucense, un conto titulado “Os Bolechas na Mariña Lucense”…

Posteriormente viaxamos en dous autobuses a San Cibrao (no autobús de Monforte ían os alumnos/as de 3º curso de EP do CEIP San Miguel de Reinante e os de 3º curso de EP do CEIP A Gándara e no autobús de Barreiros ían os alumnos/as de 4º curso de EP dos dous colexios). En San Cibrao visitamos o Museo Provincial do Mar. Como houbo que facer dúas quendas de visita ao museo cada grupo aproveitou o tempo de espera paseando pola Praia do Torno no que falamos da lenda da Maruxaina e coñecendo a vila de San Cibrao. O primeiro grupo que visitou o museo foron os alumnos/as de 3º de EP dos dous colexios e o segundo grupo foron os alumnos/as de 4º de EP dos dous colexios.  Deste xeito pensamos que aproveitamos mellor o tempo de convivencia. Ao rematar coas dúas quendas de visita, fomos a comer todos xuntos a outra praia.

Despois da comida, emprendemos a viaxe de volta en autobús cara ao noso colexio aproveitando para facer un percorrido polas praias de Barreiros (máis de 8 kilómetros de areais) desde San Cosme de Barreiros ata San Miguel de Reinante.
Finalmente e xa no colexio rematamos a xornada de convivencia cunha sesión de xogos e con tempo libre no pavillón polideportivo.
Ás 16 horas os nosos compañeiros/as partiron cara Monforte.











 
 
 

-Excursión a Monforte.
Na segunda xornada de convivencia que se celebrou o xoves 14 de xuño viaxamos a Monforte de Lemos para coñecer o CEIP Plurilingüe a A Gándara e o seu entorno e para seguir coñecendo ao nosos compañeiros/as neste intercambio cultural educativo.
Chegamos a Monforte ás 10 da mañá e visitamos as instalacións do CEIP Plurilingüe A Gándara. Logo partimos en autobús cara o centro de Monforte e visitamos o casco histórico (rúa do Cardenal, parque dos Condes, Escolapios, barrio xudío).
Despois subimos a pé ao monte San Vicente onde contemplamos este mosteiro-castelo e desde esta atalaia natural admiramos o val de Lemos.
Logo procedemos a baixar a pé ao centro de Monforte de novo e fomos ao parque dos Condes onde comemos. Tras a comida, nos desprazamos ata o parque a carón dos Escolapios onde o alumnado disfrutou de tempo de lecer.
Despois montamos en autobús para regresar ao CEIP A Gándara. Alí disfrutamos dunha sesión de xogos e de tempo libre no seu pavillón polideportivo.
Os alumnos/as do noso colexio repartiron como agasallo de despedida para cada alumno/a de Monforte unha bolsiña de organça que contiña un bítere (opérculo que ocasionalmente se atopa nas praias de Barreiros e proporciona a quen o atopa un ano de amor e sorte) e un pequeno papel acartonado no que se que explicaba que o bítere ou ollomao é a tapa ou válvula dun caracol mariño e se indicaba os usos que tiña no pasado e os que ten hoxe en día.
Ás 16 horas e despois de despedir aos nosos novos amigos/as partimos cara Barreiros.