Deseñamos esta
actividade para lograr unha participación activa na lectura por parte dos
alumnos/as. A actividade celebrouse o 23 de abril, Día do Libro e bautizámola
como “Apadriñamento lector”.
O alumnado do 2º e
3º Ciclo contou distintos contos aos alumnos/as do 1º Ciclo e de E. Infantil no
patio do colexio (previa selección dos textos e preparación do alumnado na
dicción e entoación dos mesmos por parte do Equipo de Biblioteca). Os nenos/as
que escoitaron o conto cofeccionaron un marcapáxinas que regalaron aos nenos/as
que lles contaron o conto. Despois entre padriños/madriñas e afillados/as
lectores/as debuxamos algo alusivo ao conto e fixemos uns minilibros que
colocamos nun mural.
Polo Día do Libro
tamén houbo unha sesión de Contacontos o
24 de abril a cargo de Marisa Irimia que nos falou da Biblioteca Secreta de
Siria.
Ningún comentario:
Publicar un comentario